உலக அரங்கில் இலங்கை மீண்டும் முதலிடம்: ஒமர் ஹசாரி உலக சாம்பியன்!

லண்டனில் நடைபெற்ற English-Speaking Union (ESU) International Public Speaking Competition (IPSC) 2026 போட்டியில் இலங்கையைச் சேர்ந்த ஒமர் ஹசாரி உலக சாம்பியன் பட்டத்தை வென்று நாட்டிற்கு பெருமை சேர்த்துள்ளார்.

கொழும்பு ரோயல் கல்லூரியைப் பிரதிநிதித்துவப்படுத்திய 19 வயதான ஒமர் ஹசாரி, தனது வாழ்க்கையில் எதிர்கொண்ட திக்குவாய் பிரச்சினை மற்றும் கேலி, துன்புறுத்தல்களை வென்று முன்னேறிய அனுபவத்தை மையமாகக் கொண்டு ஆற்றிய உரையின் மூலம் நடுவர்களின் பாராட்டைப் பெற்றார்.

பேச்சுத் திறனை வளர்த்துக்கொள்வதோடு மட்டுமல்லாமல், தனது பள்ளியில் கேலி மற்றும் துன்புறுத்தல்களுக்கு எதிரான விழிப்புணர்வு இயக்கத்தையும் முன்னெடுத்து, 3,000-க்கும் மேற்பட்ட மாணவர்களை சென்றடைந்துள்ளார்.

45 நாடுகள் மற்றும் பிராந்தியங்களைச் சேர்ந்த போட்டியாளர்கள் பங்கேற்ற இந்த உலகளாவிய போட்டியில், ஆண்டுதோறும் 100,000-க்கும் அதிகமான மாணவர்கள் போட்டியிடுகின்றனர்.

2025 ஆம் ஆண்டு இலங்கையின் சஷானே தசநாயக்க வெற்றி பெற்றதைத் தொடர்ந்து, 2026 ஆம் ஆண்டிலும் ஒமர் ஹசாரி வெற்றி பெற்றதன் மூலம், தொடர்ச்சியாக இரண்டாவது ஆண்டாக உலக சாம்பியன் பட்டத்தை இலங்கை கைப்பற்றியுள்ளது.

ஒமர் ஹசாரிக்கு Iconic Media சார்பில் மனமார்ந்த வாழ்த்துக்கள்!